Алексей Ртищев, муовини сардори Раёсати ҳифзи биологӣ, кимиёвӣ ва радиатсионии Қувваҳои Мусаллаҳи Русия рӯзи сешанбе эълом кард, амрико ҳамакнӯн дар 18 кишвари африқоӣ пружаеро барои баррасии вижагиҳои уфӯнату муқовимати авомили беморизо ба доруҳои пизишкӣ иҷро мекунад.
Ба гузориши Порс тудей, вай дар ин хусӯс гуфт, ин пружа тавассути созмонҳои таҳқиқотии Вазорати дифои Амрико анҷом мешавад.
Бар асоси эъломи Алексей Ртищев, аз ҷумлаи кишварҳои африқоӣ ки воҳидҳое аз маркази пизишкии низомии Амрико дар он ҳузур доранд Ҷибути, Гана ва Нигерия ҳастанд.
Вазорати дифои Русия ҳам эълом кард, бемориҳое, ки Пентагон ба онҳо алоқа нишон медиҳад, дар ҳоли табдил шудан ба бемориҳои ҳамагир буда ва ширкатҳои доруии Амрико зинафъи он ҳастанд.
Авоили имсол низ Игор Кириллов, фармондеҳи собиқи нерӯҳои биологӣ, кимиёвӣ ва радиологии Русия, ки ба тозагӣ террор шуд гуфта буд, ки Амрико дар ҳоли тавсеаи имконоти биологии низомии худ дар саросари Африқо аст.
342/
